Në zgjedhjet e 3 prillit në komunat veriore, Lista Serbe nuk do të marrë pjesë.
E si arsye për bojkotim të këtyre zgjedhjeve, sipas këtij subjekti politik janë mosplotësimi i kërkesave për të cilat edhe janë larguar nga institucionet shtetërore të Kosovës.
Megjithatë, sipas zëdhënësit të Komisionit Qendror të Zgjedhjeve, Valmir Elezi ky vendim nuk e pengon procesin zgjedhor.
Mirëpo, pavarësisht deklarimit, Lista Serbe deri tani figuron në Listën e Certifikimit në KQZ.
E analisti politik Fidan Ukaj, thotë se kjo është një lojë e këtij subjekti politi, pasi në fund do të marrë pjesë në zgjedhjet e 23 prillit.
Deri në këtë periudhë, nga KQZ-ja janë certifikuar tre kandidat për kryetar të Komunës së Leposaviqit, dy kandidat për komunën e Zubin Potokit, si dhe nga tre kandidat për komunë të Zveçanit dhe Mitrovicës Veriore.
Televizioni ka kërkuar përgjigje edhe nga Zyra e Presidentes, se ky bojkotim a e pengon procesin zgjedhor edhe në aspektin politik, mirëpo të njëjtit nuk kanë dhënë përgjigje.
Kronika e gazetares Fetije Kamberi.