“Ku shkuan paratë e Qeverisë Kurti 2”, kjo është pyetja që shtrohet në videon e partisë “Alternativa për Ndryshim”.
Ky subjekt politik me kryetar Shqiprim Arifi, edhe përmes rrjeteve sociale po e akuzon Qeverinë Kurti për keqpërdorime në fondin e 2 milionëshit të ndarë për Luginën e Preshevës.
Sipas, APN-së, në këtë mes ka disa fajtorë.
Televizioni i ka kontaktuar edhe personat e përfshirë në video nga Partia për Veprim Demokratik, mirëpo të njëjtit nuk kanë dashur të komentojnë këtë.
E komente për videon, nuk ka pasur as nga Qeveria e Kosovës.
Në anën tjetër, njohësi i çështjeve politike Valon Arifi thotë se raportet mes Kurtit e Arifit mund të prodhojnë situata në dëm të qytetarëve të Preshevës.
Një muaj më parë, Kryetari i Komunës së Preshevës, Shqiprim Arifi, ka dorëzuar kallëzim penal në Prokurorinë Speciale të Kosovës për Këshillin Kombëtar Shqiptar.
Kronika e gazetares Fetije Kamberi.