Basketbollistët e Sigal Prishtinës janë të vendosur që formën e mirë që po e tregojnë në kampionatin e Kosovës, ta bartin edhe në ENBL League.
Në këtë garë, në të cilën Prishtina debuton këtë sezon, dhe njëkohësisht është ekipi i parë shqiptarë që merr pjesën këtë kompeticion, skuadra kryeqytetase synon të kualifikohet në “Final Four”, pasi më herët ka avancuar nga faza e grupeve. Për ta prekur turneun final, Prishtina në fazën çerekfinale duhet ta eliminojë ekipin nga Polonia, King Szczesin.
Dueli i parë mes këtyre dy skuadrave zhvillohet të mërkurën prej orës 19:00 në palestrën “1 Tetori” në Prishtinë, ndërsa ai i kthimit luhet më 20 mars në Poloni.
Prishtina përfunduan sezonine rregullt në këtë garë në vendin e 4-tërt në grupin A me dy fitore e 4 humbje ndërsa polakët fituan grupin B me gjashtë fitore dhe vetëm një humbje.
Fituesi i kësaj përballje do të ndeshet me fituesin e Budivelnyk dhe Baskeball Club Wolves.