Kryeministri i Shqipërisë, Edi Rama i ka bërë thirrje Kosovës dhe Serbisë që planin e propozuar nga Bashkimi Evropian ta shqyrtojnë me seriozitet dhe me kurajo të plotë.
Ai në konferencën e përbashkët me kancelarin gjerman Olaf Scholz, tha se pjesë e diskutimeve ishte ky plan dhe se Shqipëria e mbështet.
Rama tha plani i BE-së ofron mundësi për normalizim të marrëdhënieve ndërmjet Kosovës dhe Serbisë.
“E mbështesim fuqimisht planin e paqes dhe të normalizimit mes Kosovës dhe Serbisë. Në këndvështrimin tonë është një planë shumë përmbajtjesor dhe njëkohësisht shumë realist i cili sjellë normalizimin e nevojshëm dhe të shumë pritur dhe të cilin të dyja palët duhet ta trajtojnë me gjithë kurajon e domosdoshme”, tha Rama, shkruan teve1.info.
Në takimin e fundit të mbajtur në Bruksel më 27 shkurt, Kosova dhe Serbia ishin pajtuar sa i përket këtij plani, ndërsa një takim i radhës është planifikuar për 18 mars./teve1.info/
