Drejtori i të ashtuquajturës Zyrë për Kosovën në Qeverinë e Serbisë, Petar Petkoviq iu ka përgjigjur zv/kryeministrit të Kosovës, Besnik Bislimit, i cili në një intervistë tha se ashtu është momentum që Greqia ta njohë pavarësinë e Kosovës pasiqë edhe Serbia është angazhuar praktikisht për një gjë të tillë.
Petkoviq ka thënë se Bislimi qëllimisht dhe me keqdashje po e interpreton gatishmërinë e Beogradit për dialog me Prishtinën.
“Beogradi është i përkushtuar për normalizimin e marrëdhënieve me Prishtinën dhe krijimin e një mjedisi stabil për zhvillimin ekonomik të të gjithë rajonit, megjithatë Beogradi nuk do ta njohë kurrë të ashtuquajturën “Kosovë” dhe aktin e saj të njëanshëm dhe të paligjshëm të shkëputjes dhe asnjëherë nuk do ta pranojë anëtarësimin e të ashtuquajturës “Kosova” në OKB”, ka theksuar Petkoviq, shkruan Tanjug, transmeton teve1.info.
https://teve1.info/lajmet/34234bislimi-serbia-praktikisht-eshte-angazhuar-qe-ta-njohe-kosoven-greqia-ta-shfrytezoje-kete-rast/
