Kryetari i Kuvendit, Glauk Konjufca, në nder të 25-vjetorit të Epopesë së UÇK-së, ka thënë se në Prekaz më 5,6 dhe 7 të vitit 1998 po shkruhej me shkronja gjaku vepra madhore “Epopeja e Ushtrisë Çlirimtare të Kosovës” me komandantin, Adem Jashari.
Konjufca ka thënë se në historinë e një populli nuk ka ngjarje më të rëndësishme sesa lufta për çlirim.
“Në historinë e një populli nuk ka ngjarje më të rëndësishme sesa lufta për çlirim. Në jetën e një populli nuk ka qëllim më të lartë dhe asgjë më të shtrenjtë sesa liria”, ka shkruar kryeparlamentari në një postim në Facebook.
Mes tjerash ai është shprehur se aty ku nisi rruga e lirisë, nis Epopeja e lavdisë, si dhe themelimi i pavarësisë dhe kujtimi i përjetësisë.
“Nuk do të vdesë kurrë kujtimi i Komandantit legjendar Adem Jashari, Familjes emblematike Jashari dhe dëshmorëve të lirisë. Lavdi!”, shkroi ai.
Sot, bëhen 25 vjet që nga rrethimi i familjes së Jasharëve, në Prekaz të Drenicës.
