Manchester City ka shënuar një tjetër fitore në Premier Leaguen e Anglisë, për ta vazhduar edhe më tej luftën e madhe për titull kampioni.
Të shtunën në ndeshjen hapëse të xhiros së 26-të të elitës së futbollit anglez, City i Pep Guardiolës fitoi ndaj Newcastle Unitedit me rezultatin 2:0.
Vendësit në “Etihad Stadium” shënuan nga një gol në secilën pjesë. Phil Foden shënoi për 1:0 në minutën e 15-të të ndeshjes.
Ndërkohë në pjesën e dytë, në minutën e 67-të, Bernardo Silva i asistuar nga Erling Haaland, e mbylli çështjen e fituesit në këtë ballafaqim.
Për portierin Ederson të Cityt ishte ballafaqim i veçantë, pasi e regjistroi ndeshjen e 100-të në Premier League, pa pranuar gol.
Me këtë fitore, City në 26 ndeshje ka grumbulluar 58 pikë. Newcastle mbetet me 41 pikë.