Arsenali fitoi 4-0 ndeshjen e prapambetur ndaj Evertonit, dhe tani kryeson Premier League me pesë pikë mbi Manchester City. Skuadra e Mikel Artetës vuajti për 40 minuta, por një eurogol i Bukayo Saka zhbllokoi takimin.
Fitorja u bë më pas më e lehtë, me Arsenalin që realizoi edhe tre gola të tjerë dhe siguroi fitoren e 19-të në kampionat. Trajneri spanjoll analizoi suksesin ndaj ekipit nga Liverpooli, ku ndër të tjera tha:
“Jam i kënaqur me fitoren dhe mënyrën se si luajtëm pas 25 minutave të para. Hasëm vështirësi në minutat e para. Por, pasi ne shënuam golin e parë, sfida u bë më e lehtë. Na duhej një moment magjik dhe Saka e dhuroi atë.
Pas golit të parë ne u rritëm dhe e merituam fitoren. Pjesa e dytë pastaj ishte fantastike, mund të shënonim edhe më shumë. Lumturohem kur shoh skuadrën të luajë futbollin që duam të luajmë”, u shpreh Mikel Arteta.
Arsenali luan sërish në “Emirates Stadium” takimin e radhës në kampionatin anglez. Gunners presin Bournemouth (4 mars)
