Një grua e ka informuar policinë se ia kanë rrëmbyer me forcë çantën e saj, në të cilën kishte kuletën me para dhe dokumente personale.
Ajo ka thënë se personi i dyshuar pasi ia ka marrë çantën, ka ikur me veturë.
Sipas saj rasti ka ndodhur ditën e djeshme në Prishtinë.
“Viktima femër kosovare, ka njoftuar se një person i panjohur i ka marr me forcë çantën e krahut ku në të kishte kuletën me dokumente personale, paratë dhe ka ik me një veturë. Viktima nuk ka pësuar lëndime trupore”, thuhet në njoftimin e policisë.
