Pas aksidentit të rëndë në Greqi të përplasjes së dy trenave, ku deri më tani raportohet se numri i viktimave ka shkuar 36, ka reaguar kryeministri i Shqipërisë, Edi Rama.
Rama ka shprehur keqardhje për humbjen e jetëve dhe për të plagosurit, ku ka thënë se ndjen dhimbjen e fqinjëve, raporton teve1.info.
Përmes një postimi në Twitter, kryeministri ka shkruar se: ““Sa keq të dëgjosh për humbjen e jetëve dhe shumë të plagosur në aksidentin tragjik të natës së kaluar në Greqi! Ne ndjejmë dhimbjen e fqinjëve tanë të dashur në një moment kaq të rëndë për kombin e tyre dhe i bashkohemi në lutjet e tyre dhe në ngushëllimet për familjet e viktimave”.
So sad to hear about the loss of lives and the many wounded people on the last night tragic accident in Greece! We feel the pain of our dear neighbours in such a heavy hour for their nation and join them in their prayers and in the condolences to the families of the victims🇦🇱😥🇬🇷
— Edi Rama (@ediramaal) March 1, 2023
Aksidenti ka ndodhur në qytetin Tempe, pak para mesnatës, duke lënë 85 persona deri më tani të lënduar.
Disa pjesë të trenit kanë dalë nga binarët dhe kanë marrë flakë.
Treni me rreth 350 pasagjerë ka qenë duke udhëtuar nga Athina për në qytetin verior, Selanik.
Nuk dihet ende se çfarë e shkaktoi përplasjen me trenin e pasagjerëve, i cili udhëtonte mes Selanikut dhe Larisës.
