Një aksident me fatalitet ka ndodhur në rrugën nacionale Prizren-Gjakovë, më saktësisht në Piranë të Prizrenit, sot rreth orës 18:50.
Pasi që është goditur nga një automjet, bëhet e ditur se ka humbur jetën një grua e moshës 65-vjeçare.
Kështu është deklaruar për teve1.info zëdhënësi i policisë për rajonin e Prizrenit, toger Shaqir Bytyqi.
“Sot me datë 28.02.23, rreth orës 18:50 është raportuar një aksident trafiku goditje e këmbësorit me fatalitet. Rasti ka ndodh ne rrugën nacionale Prizren-Gjakove saktësisht ne fshatin Piranë përball pompës Shell”, ka thënë Bytyqi.
Lidhur me këtë rast është arrestuar i dyshuari që e ka shkaktuar aksidentin.
“I dyshuari (25 vjeçar), me urdhër të prokurorit ndalet në ndalim policor për 48 orë, ndërsa trupi i pa jetë dërgohet në IML për ekzaminim”, ka shtuar ai.