Qeveria e Kosovës, e ka quajtur të pavërtetë dhe të pasaktë një dokument i cili është botuar në meidat në Kosovë si aneks për formimin e Asociacionit, sipas të cilët puna për themelimin e tij do të nis pas dy javësh.
Zëdhënësi i Qeverisë së Kosovës, Përparim Kryeziu ka thënë se për planin e zbatimit do të diskutohet në takimet e radhës.
Ai ka thënë emisari Lajçak do të zhvillojë vizita në Prishtinë e Beograd, para takimit të nivelit të lartë.
“Raportimi për dokumentin, i referuar si Aneksi i Propozimit Evropian, është i pasaktë dhe i paqëndrueshëm. Për Planin e Zbatimit do të diskutohet e negociohet në takimet e radhës. Do të kemi diplomaci fluturuese të emisarit Lajçakut në Prishtinë e Beograd dhe pastaj takim të shtatë të nivelit të lartë me ndërmjetësimin e përfaqësuesit të Lartë të BE-së, Borrell dhe emisarit Lajçak. Në takimin e djeshëm ka pasur dakordim për marrëveshjen bazë, e cila tashmë edhe është publike. Ajo që është pranuar, është vetëm ajo që është publikuar nga Bashkimi Evropian”, ka shkruar Kryeziu, përcjell teve1.info.
Të hënën në Bruksel në takimin e zhvilluar nga Kurti e Vuçiq në ndërmjetësimin e Borrell e Lajçak, nga zyrtarët e BE-së u konfirmua se palët janë pajtuar me propozimin evropian.
