Inspektorati Policor i Kosovës ka rekomanduar suspendimin e përkohshëm të një polici me gradën e kapitenit.
Siç bëhet e ditur i njëjti kishte vozitur rrezikshëm mbrëmë rrugëve të Gjilanit, duke rrezikuar jetën e dy qytetarëve.
Të njëjtit i është bërë testi i alkoolit dhe ka rezultuar se ka qenë duke drejtuar veturën e tij private (jashtë detyrës zyrtare) nën ndikimin e alkoolit (2.08 promila).
Po ashtu është iniciuar rast me dyshimin për veprën penale “Shkaktim i rrezikut te përgjithshëm” dhe janë intervistuar tre dëshmitarë.
“Zyrtari policor është suspenduar përkohësisht përderisa rasti sipas urdhrit të Prokurorit do të trajtohet sipas procedurës së rregullt”, bëhet e ditur në njoftim të IPK-së
