Ferizaj ka shënuar fitore të madhe në shtëpi kundër Dritës.
Ferizaj të shtunën fitoi ndaj gjilanasve me rezultatin 2:1, në kuadër të xhiros së 22-të të elitës së futbollit të Kosovës.
Me pikët e plota, Ferizaj kalon në vendin e parafundit me 21 pikë në 22 ndeshje.
Drita mbetet me 44 pikë në vendin e dytë.
Për Ferizajn, stinori pranveror ka nisur në mënyrë të shkëlqyer,që ka dy barazime e dy fitore.
Për Dritën në minutën e 54-t shënoi Kastriot Selmani, ndërsa për Ferizajn shënuan Ergon Hyseni në minutë e 57-të dhe Betim Haxhimusa në minutën e 85-të.
Bujar Shabani i vendësve u përjashtua nga loja në fund të ndeshjes.
Drita në stinorin pranveror me trajnerin Arsim Thaqi ka dy disfata e dy fitore.
