Kuvendi i Kosovës i ka miratuar dy marrëveshje ndërkombëtare që kanë të bëjnë me njohjen e kualifikimeve në arsim e shëndetësi, raporton teve1.info
Deputetët e miratuan Marrëveshjen për Njohjen e Kualifikimeve të Arsimit të Lartë në Ballkanin Perëndimor, si dhe Ratifikimin e Marrëveshjes për Njohjen e Kualifikimeve Profesionale të Mjekëve, Stomatologëve dhe Arkitektëve në kontekstin e Marrëveshjes së Tregtisë së Lirë të Evropës Qendrore.
Seanca e Kuvendit të Kosovës po vazhdon me “Shqyrtimin e Raportit të Komisionit Hetimor Parlamentar lidhur me menaxhimin e krizës energjetike nga ana e Qeverisë së Republikës së Kosovës”.