Kryeministri Albin Kurti tha se është bërë studimi i fizibilitetit për projektin e ndërtimit të banesave për qifte të reja, premtim ky i tij gjatë fushatës zgjedhore, raporton teve1.info
Në përgjigjen e pyetjes së deputetes së AKK-së, Albana Bytyqi, Kurti tha se kosto e këtij projekti kap vlerën e 200 milionë eurove, ndërsa shtoi se kërkesës së Qeverisë për ndarjen e tokave komunale, deri më tani i është përgjigjur Prishtina, Peja e Gjilani.
“Kemi bërë marrëveshjen e bashkëpunimit me IFC-në për studim fizibiliteti. IFC si pjesë e grupit të Bankës Botërore në shkurt 2023 e ka prezantuar para ministrit Aliu se si ky projekt mund të zbatohet në këtë kohë. Është bërë analiza e sektorit të banimit në Kosovës, është shikuar aspekti ligjor dhe modeli financiar që mundëson të realizojmë skenarë të ndryshëm”, tha Kurti.
