Katër persona kanë mbetur të vdekur dhe dy të tjerë të lënduar në aksidentin që ndodhi sot pasdite në aksin rrugor Ferizaj – Shtime.
Zëdhënësi i QKUK-së, Shpend Fazliu bën të ditur për teve1.info se dy të lënduarit janë duke marrë trajtim në Klinikën Emergjente, ku njëri ndër ta është në gjendje të rëndë.
“Zyra për informim në QKUK, ju konfirmon se 2 persona po marrin trajtim në Klinikën Emergjente në QKUK. Një femër e datëlindjes 1996, është në gjendje të rëndë, ekipet mjekësore emergjente po bëjnë maksimumin, kurse personi tjetër që po merr trajtim ka lëndime më të lehta!”, theksoi ai.
Ndërkaq, burime të teve1.info bëjnë të ditur se dy të lënduarit janë burrë e grua, teksa kjo e fundit është edhe shtatzënë.
Zëdhënësi i Policisë, Kanun Veseli ka bërë të ditur për teve1.info se në aksident kanë qenë të përfshira tri vetura.
“Si pasojë e këtij aksidenti, 4 persona kanë humbur jetën, vdekja e të cilëve është konfirmuar nga mjekët në vendin e ngjarjes”, theksoi ai.
https://teve1.info/lajmet/kater-te-vdekur-ne-nje-aksident-trafiku-ne-rrugen-ferizaj-shtime/