Ish-nënkryetarja e Vetëvendosjes, Aida Dërguti, ka thënë se bastisja e banesës së ish-këshilltarit të Hashim Thaçit është bërë për shkak të një editoriali të tij në Facebook, raporton teve1.info
Në shenj përkrahje të këshilltarit Adil Behramaj, Dërguti tha se do ta postoj një pjesë të këtij editoriali.
Përmes një postimi në Facebook, Aida Dërguti ka shkruar “me Adilin”, “free media”.
“Nëse arsyeja e bastisjes së Adil Behramit qenka editoriali i tij, atëherë në shenjë të përkrahjes, po ia ripostoj deklaratën” – u shpreh ajo në Facebook.
Statusi i Adil Behramajt i publikuar nga Aida Dërguti:
“Bashkësia ndërkombëtare e detyroi Kosovën ta themelonte Gjykatën Speciale për t’i adresuar akuzat e rreme të raportit të Dick Martyt. Por, kur ata nuk ishin në gjendje të gjenin prova për t’i mbështetur ato pretendime, Zyra e Prokurorit të Specializuar doli me pretendime të reja për ta justifikuar mashtrimin e tyre. Një mashtrim i tillë nuk do të ishte toleruar në asnjë shtet të Bashkimit Evropian, por po tolerohet gjithmonë kur viktima të mashtrimit janë shqiptarët” është pjesa e ndarë nga Dërguti.
