Kosova ka rritur ambiciet për anëtarësim në Këshillin e Evropës. Madje dje zëvendëskryeministri i Kosovës Besnik Bislimi ka pasur një vizitë me zëvendës-sekretarin e përgjithshëm të Këshillit të Evropës, por që deklarimet pas këtij takimi shkuan si mos më keq. Bislimi në tëitter shkroi diçka të paqenë, e demanti që i bëri Bjorn Berge, po cilësohet si skandal diplomatik e madje po kërkohet edhe dorëheqja e numrit dy të qeverisë.
Bilimi pas takimit me Berge, ka shkruar se zëvendës-sekretari i përgjithshëm të Këshillit të Evropës mirëpriti iniciativën e Kosovës për aplikimin për pranim në këtë organizatë.
“I kënaqur që takova Bjorn Berge gjatë qëndrimit në Strasburg, që mirëpriti iniciativën e Kosovës për aplikimin për pranim në Këshill të Evropës”, ka shkruar Bislimi.
Por, ndaj këtij shkrimi ka reaguar Berge.
“Fatkeqësisht, ky nuk është një përshkrim i saktë i asaj që deklarova në takim në lidhje me një aplikim të mundshëm në Këshillin e Evropës”,ka shkruar zëvendës-sekretari i përgjithshëm të Këshillit të Evropës.
E më pasështë sqaruar zëvendëskryeministri i Kosovës Besnik Bislimi.
“Me të vërtetë më vjen keq për zgjedhjen e termit joadekuat në tëeet-in tim të fundit. Në vend të “ai mirëpriti”, përshkrimi i saktë duhet të thotë “ne informuam”, pashkruar Bislimi.
Ky komunikim i nisur nga zëvendëskryeministri i Kosovës, Besnik Bislimi e i demantuar nga zëvendës-sekretarin e përgjithshëm të Këshillit të Evropës, Bjorn Berge, po cilësohet si një skandal i madh diplomatik.
Politologu, Dritoro Arifi, thotë se Bislimi duhet të jap dorëheqje.
Ndërsa, analisti i çështjeve politike, Tomor Avdiu thotë se ky veprim i Besnik Bislimit shkon ndesh edhe me politikën e jashtme të vendit.
Edhe opozita ka kërkuar dorëheqjen e Besnik Bislimit pas këtij veprimi, të cilin e cilësuan edhe si skandaloz.
Raporti i gazetarit Valmir Gallopeni.
