Ministri i Financave, Punës dhe Transfereve Hekuran Murati ka pritur sot në takim njoftues shefin e ri të Bankës Evropiane për Zhvillim dhe Rindërtim (BERZh) për Kosovë, Sergiy Maslichenko.
Bëhet e ditur se gjatë këtij takimi është diskutuar për zbatimin e projekteve mes Qeverisë dhe BERZH-it, dhe thellimin e bashkëpunimit.
“Gjatë takimit u diskutua lidhur me projektet kryesore infrastrukturore të Qeverisë së Republikës së Kosovës me BERZh, ecurinë e zbatimit të tyre, si dhe mundësitë për thellimin e bashkëpunimit.Me këtë rast, delegacioni i BERZh-it shprehu gatishmërinë për të vazhduar diskutimin në fushat me interes për vendin tonë, me theks të veçantë në sektorin e energjisë”, thuhet në njoftim.
Teksa thuhet se ministri Murati ka vlerësuar lartë bashkëpunimin me BERZh-in dhe rolin e Bankës në financimin e projekteve të ndryshme të cilat kanë kontribuar dukshëm në përmirësimin e shërbimeve të rëndësishme për qytetarët e Kosovës./teve1.info./
