Mirë për Arsenalin, por jo edhe për Manchester City. Sulmuesi kryesor i citizensit, Erling Halaand ka pësuar një lëndim që dyshohet se do të jetë jo i gatshëm për sfidën me “Topçinjtë”.
Sulmuesi norvegjez u zëvendësua në pjesën e parë në ndeshjen që Manchester City e fitoi ndaj Aston Villas, të dielën.
Haalandi u zëvendësua për shkak të telasheve në kofshë. 22-vjeçari pati një përplasje me portierin Emiliano Martinez përgjatë pjesës së parë.
Ai arriti që të luajë dhe asistoi në golin e Ilkay Gundoganit për 3:0 në pjesën e parë, ndërsa ndeshja u mbyll 3:1.
Haalandi u zëvendësua nga Julian Alvarez. Dyshimet tani shtohen se Haaland nuk është në gjendje të mire, dhe së skuadra Pep Guardiolës në ballafaqimin me liderin e Premierligës, Arsenal këtë të mërkurë do të duhet të bëjë pa numrin nëntë të elitës.
Haaland ka një histori të gjatë të vuajtjeve nga lëndimet, ai humbi një pjesë të madhe të sezonit të Dortmundit përpara se të përfundonte lëvizjen në Angli në verë.
