Ekipet e FSK-së së bashku me ato të Ushtrisë së Turqisë kanë arritur të nxjerrin edhe dy trupa të gjallë nga rrënojat e shkaktuara si pasojë e tërmetit që goditi Turqinë dhe Sirinë.
Një 13- vjeçare dhe një 45-vjeçar janë nxjerrë të gjallë edhe pas 162 orëve nën rrënojat e një objekti të shkatërruar.
“Pas një pune të palodhshme dhe shumë sfiduese me rrezikshmëri të lartë e me angazhim maksimal, të pathyeshëm dhe të pandalshëm djemtë e vajzat e ushtrisë së Kosovës së bashku me ekipet e ushtrisë turke, sot pas 160 orëve që nga tërmeti, kanë arritur të nxjerrin të gjallë një qytetarë i gjinisë mashkull rreth moshës 45 vjeçare, dhe pas 162 orëve është nxjerr edhe një vajzë 13 vjeçare, nën rrënojat e një objekti të shkatërruar”, thuhet në njoftimin e FSK-së, raporton teve1.info.
Ekipi i kërkim-shpëtimit të FSK-së ditë më parë ka arritur të nxjerrë dy trupa tjerë të gjallë nga rrënojat.
Numri i të vdekurëve nga tërmeti në Turqi e Siri ka arritur në 33 mijë persona.
