Policia e Kosovës ka arrestuar një person, nën dyshimin se ka kryer veprën penale të “dhunimit”.
Sipas policisë, i dyshuari i moshës 31-vjeçare dyshohet se ka dhunuar një 26-vjeçare, në një motel në magjistralen Prishtinë-Ferizaj.
“Në lidhje me këtë policët hetues kanë identifikuar e më pas kanë arrestuar personin mashkull, kosovar i moshës 31 vjeçar me dyshimin se ka kryer veprën penale ” Dhunimi” ndaj femrës kosovare e moshës 26 vjeçare”, ka thënë për teve1.info Kanun Veseli, zëdhënës i policisë për rajonin e Ferizajt.
Pas arrestimit i dyshuari është dërguar në mbajtje.
“I dyshuari është shoqëruar në stacionin e policisë në Ferizaj dhe pasi është intervistuar nga policët hetues, me vendim të prokurorit është ndaluar për 48 orë, për procedura të mëtejme hetimore”, ka shtuar tutje Veseli.