Trajneri i Dukagjinit, Armend Dallku është i kënaqur me fitoren e arritur përballë Prishtinës, por nënvizoi gjithashtu se dikujt po i pengojnë fitoret e Dukagjinit.
“Jam shumë i kënaqur. Ne kemi marrë masa pas ndeshjes për Kupë. Po besoj që dikujt po i pengon që Dukagjini po luan mirë, po fiton pikë. Mendoj se duhet të gëzojnë respekt të gjithë për Dukagjinin. Kishim raste edhe për ta dyfishuar rezultatin, kurse kundërshtari nuk kishte të njëjtën gjë”, ka thënë Dallku.
Ai ka theksuar se nën drejtimin e tij dhe bashkëpunëtorëve të tij, Dukagjini ka shënuar rritje të madhe
“Kemi ardhur me projekt, kemi pranuar të punojmë kur Dukagjini ishte i fundit, ndërsa kemi arritur të bëhemi finalist të Kupës, kemi mbetur në Superligë dhe kemi bërë prurje për të qenë konkurrent në këtë garë”, është shprehur Dallku.
