Ka nisur në ambientet përpara kryeministrisë protesta e thirrur nga opozita kundër kryeministrit Rama për shkak raportimeve se ai është i përfshirë në çështjen McGonigal.
Qytetarë të shumtë me pankarta në duar marshuan në bulevardin “Dëshmorët e Kombit” dhe u stacionuan përpara kryeministrisë.
Në një prej pankartave pikante, qytetarët shkruajnë me ironi “Tigri, tigri por pastruesja bën kërdinë”, duke iu referuar rastit të vjedhjes në banesën e ish-zyrtares Alda Klosi të një shumë prej mijëra eurosh nga pastruesja Rozeta Dobi.
Kryetari i PD-së, Sali Berisha ka shpërndarë disa foto nga protesta, me përshkimin “Cunam”.
