Në emisionin “Këndi i Debatit” në Tëvë1, ai thotë se Qeveria nuk po i ndihmon ata që kanë nevojë më shumë por ‘’të gjithë ata që kanë më shumë”.
Duke folur për krizën ekonomike në vend, ai thotë se kanë bërë dy kërkesa ndaj Qeverisë, për tejkalimin e situatës për bujqit e Kosovës.
“E para sa i përket naftës, do të duhej të hiqej akciza dhe TVSH-ja tërësisht për bujqit për sektorin prodhues në Kosovë dhe transportin publik. Sepse transporti publik prek secilin, nëse duam ne që të mos përdoren makinat, duhet të rritet efikasiteti te transporti publik”, tha ai.
Tutje, Molliqaj shton se kërkesë e tyre është edhe heqja e TVSH-së për secilin konsumator përgjatë tre muajve nga 18 në 9 për qind.
Po ashtu, për rritjen e çmimeve në vend ai ka fajësuar edhe mungesën e bordit të Autoritetit të Kosovar të Konkurrencës.
Sipas tij, deri më tash nuk është emëruar asnjë anëtar i bordit të këtij institucioni për shkak se “Qeveria ende s’i ka gjetur njerëzit e saj”.
Ndërkaq, për panikun e krijuar për mungesën e produkteve bazë, Molliqaj thotë se është bërë nga vetë Qeveria duke thënë “kthejeni miellin në furrë”.
”Paniku unë besoj që ka vend, ne jemi për ekonominë e tregut por secila ekonomi e ka kontrollin e Qeverisë, shkalla është dallim ideologjik. Kështu si kjo Qeveri e ka lënë të pakontrolluar ekonominë duke e shtuar elementin e panikut duke i thënë ktheje miellin në furrë dhe në anën tjetër duke mos e kontrollu punënn e tregtrarëve në Kosovë”, shtoi Molliqaj./teve1.info/.
