Zëvendëskryeministri i Kosovës, Besnik Bislimi, ka thënë se i dërguari i BE-së për dialogun Kosovës Serbi, ka dhënë dy vërejtje sa i përket gjashtë pikave të propozuara nga Kurti për formimin e Asociacionit.
Por, ai nuk ka treguar se cilat kanë qenë vërejtjet e BE-së.
“Gjashtë kushtet që ka prezantuar Kurti në fakt janë parakushte që tregojnë se mund të diskutohet për mekanizmin e avancuar të mbrojtjes së të drejtave të minoriteteve. BE ka dhënë vërejtje të saj në dy kushte, por se cilat janë ato dhe pse kanë vërejtje mund ta pyesni z.Lajçak kur të vijë në Prishtinë”, ka thënë ai të mërkurën në një konferencë për media.
Bislimi në konferencë për media tha se ajo që kryeministri Kurti ka nxjerrë pas atij takimi është që sipas tij, Kurti është dakorduar me platformën nga plani franko – gjerman për të cilin Bislimi tha se tregon vetëm principet dhe veprimet bazë, kurse sa i përket implementimit Bislimi tha se duhet diskutuar në tavolinën e bisedimeve në Bruksel.
“Ajo që Kurti ka nxjerrë pas takimi është inforamtën që ai është dakord me platformën e propozuar nga plani franko – gjerman me mbështetje nga SHBA-të, por platforma vetëm tregon principet dhe veprimet bazë, ndërkaq gjithçka që ka të bëjë me implementimin e saj duhet të diskutohet në aneksin implementues mes palëve në Bruksel. Dmth pani franko- gjerman i tregon kornizat bazë që nënkupton njohjen defacto të dy shteteve. Se si do të jetë sekuencimi i hapave, cilat marrëveshje nuk janë më të rëndësishme, cilat duhet të modifikohen, cilat duhet të zbatohen, për këtë pastaj diskutojnë palët në Bruksel dhe nuk ka pasë diskutim për asnjë prej marrëveshjeve paraprake por për kornizën e propozimit franko-gjerman”, tha ai.
Ndryshe Emisari i Bashkimit Evropian për dialogun mes Kosovës dhe Serbisë, Miroslav Lajçak, pas takimit u shpreh i lumtur që kryeministri i Kosovës, Albin Kurti, e ka pranuar në parim propozimin e Bashkimit Evropian.
Qëndrimin e Kurtit e ka mirëpritur edhe Ambasadori Amerikan në Kosovë, Jeffrey Hovenier, i cili tha se kjo marrëveshje do i sjell përfitime të dyja palëve të përfshira në dialog.
Kurse njohësit e çështjeve politike konsiderojnë se pranimi i kësaj marrëveshjeje hap rrugën për themelimin e Asociacionit të Komunave me shumicë serbe./teve1.info./
