Zv.kryeministri i Kosovës, Besnik Bislimi dhe ministri i Kulturës, Hajrullah Çeku në një konferencën për media kanë prezantuar Agjendën Shtetërore për 15-vjetorin e Pavarësisë dhe 25-vjetorin e Epopesë së Ushtrisë Çlirimtare të Kosovës.
Bislimi tha se Qeveria e Kosovës po përkujdeset që të kete program të begatë dhe të denjë për këto data.
Teksa tha se me 13 dhjetor kryeministri Kurti, kishte caktuar Këshillin Organizativ për shënimin e këtyre datave jubilare.
“Me vendim të kryeministrit Kurti me 13 dhjetor është caktuar Këshilli Organizativ për shënimin e këtyre dy datave dhe mua më është besuar kryesimi i tij. Kurse bashkëkryesues dhe përgjegjës për barrën kryesore të punës është caktuar ministri Hajrullah Ceku. Anëtarë të Këshillit organizativ u caktuan zv ministrja Gërvalla, ministrat Mehaj, Nagavci, nënkryetarja e Kuvendit Saranda Bogujevci”, tha ai.
Kurse ministri Çeku prezantoi logot e dy datave, e para që i dedikohet 15 vjetorit të shpalljes së Pavarësisë së Kosovës dhe e dyta për 25 vjetorin e Epopesë së Ushtrisë Çlirimtare të Kosovës.
“Logot e dy datave, e para që i dedikohet 15 vjetorit të shpalljes së Pavarësisë së Kosovës që ka motive nga ngjyrat e flamurit të Republikës së Kosovës . Logoja tjetër për 25 vjetorin e Epopesë së Ushtrisë Çlirimtare të Kosovës e cila ka motive nga simbolet kombëtare dhe në qendër ka tri figurat kryesore të Epopesë së luftës Çlirimtare të Kosovës”, tha ai.
Tutje Çeku tha se programi tërësishëm është i përbashkët i cili fillon me datën 9 shkurt dhe përfundon me datën 12 mars.
E që siç tha ai, çdo ditë përgjatë 30 ditëve do të ketë aktivitet për të shënuar kërto dy data jubilare.
“Do të ketë homazhe, nderime, parakalim të Forcave të Sigurisë së Kosovës, shfaqje filmi,promovim librash, pritje zyrtare shtetërore të shpërndara në kalendarin njëmujor. Programi total është i përmbledhur në një faqe listim çdo ditë këshilli organizativ do ti publikoj detajet e aktiviteteve ditore”, tha tutje ai./teve1.info./
