Kryeministri i Kosovës, Albin Kurti ka thënë se me vendim të Qeverisë, kontingjenti i Forcë së Sigurisë së Kosovës për operacione humanitare porsa u nis sonte për në Turqi, për të ju dalë në ndihmë institucioneve dhe popullit turk në rajonet e goditura nga tërmeti.
Kurti përmes një shkrimi në “Facebook” tha se vetëm tri ditë pas pritjes së ngrohtë nga presidenti turk, Rexhep Tajip Erdogan, “në mëngjesin e sotëm u tronditëm nga lajmi për tërmetin shkatërruese në Turqi”.
Kurti më tej tha se Kosova solidarizohet dhe i qëndron pranë popullit dhe shtetit turk në këto kohë të vështira.
“Në emër të Qeverisë së Republikës së Kosovës dhe popullit të saj, u shprehi edhe njëherë ngushëllimet më të thella popullit turk dhe familjarëve të viktimave të tërmetit e të lënduarve shërim sa më të shpejtë… Solidarizohemi dhe i qëndrojmë pranë popullit dhe shtetit turk në këto kohë të vështira. Shpresojmë dhe urojmë që kjo tragjedi të kalojë me sa më pak viktima”, ka shkruar Kurti.
