Shqipëria do të dërgojë në Turqi një ekip të shpëtimit pas tërmetit që ka goditur këtë vend në kufi me Sirinë ku deri tash në dy shtetet raportohet për mbi 500 të vdekur.
Lajmin e ka bërë të ditur kryeministri i Shqipërisë, Edi Rama, i cili ka shprehur ngushëllime familjeve që kanë humbur të afërmit e tyre pas kësaj ngjarje.
“I pikëlluar thellësisht për lajmin e mëngjesit të sotëm për tërmetin shkatërrues që goditi disa pjesë të Turqisë dhe Sirisë. Ngushëllimet tona më të thella për familjet e shumta që humbën jetën dhe u urojmë shërim të shpejtë të lënduarve. Një mision shpëtimi solidariteti do të niset sot për në Turqi”, ka shkruar Rama.
Pas tërmetit që goditi Turqinë juglindore edhe Kosova ka ofruar ndihmë./teve1.info/
