Erërat e forta me shpejtësi mbi 12m/s të cilat pritet ta përfshijnë vendin në orët e pasdites siç ka njoftuar Instituti Hidrometeorologjik i Kosovës, sipas ekspertëve mund të shkaktojnë dëme.
Tahir Ahmeti njohës i çështjeve të emergjencave, duke folur për parashikimin e IHMK-së, ka thënë se këto erëra hyn në kategorinë e fatkeqësive natyrore, duke ju bërë thirrje qytetarëve të kenë kujdes.
“Instituti Hidrometeorologjik i Kosovës ka bërë të ditur se sot pasdite parashihen erëra të fuqishme të cilat do t’i përfshijnë disa rajone, kryesisht veriun, verilindjen dhe perëndimin e vendit , por edhe pjesa qendrore gjithashtu do të përfshihet nga erërat e fuqishme të cilat do të regjistrojnë shpejtësinë mbi 12m/s. Këto erëra hyn në kategorinë e fatkeqësive natyrore, dhe si të tilla mundë të jenë të rrezikshme dhe të shkaktojnë dëme, por edhe të rrezikojnë jetën e vet qytetarëve të vendit. Andaj, qytetarët gjatë kësaj periudhe, duhet të kenë kujdes të shtuar gjatë lëvizjeve të tyre”, ka shkruar ai në Facebook.
Sipas IHMK-së java që po vije do të jetë më ftohta e këtij dimri deri më tani./teve1.info/
