Qeveria në një mbledhje elektronike të mbajtur sot ka marrë dy vendime.
Në mbledhjen e 122 është marrë vendimi për ndryshimin dhe plotësimin e Programit Legjislativ të Qeverisë për vitin 2023, në të cilin është përfshirë Projektligji për ndryshimin dhe plotësimin e Ligjit mbi Ndarjet Buxhetore për Buxhetin e vitit 2023.
Po ashtu Qeveria ka marrë vendim për aprovimin e Programit për Reforma në Ekonomi 2023-2025.
Njoftimi i plotë:
Qeveria e Kosovës ka zhvilluar mbledhjen e 122-të të saj në mënyrë elektronike, në të cilën ka miratuar dy vendime:
– Vendimi për ndryshimin dhe plotësimin e Programit Legjislativ të Qeverisë së Republikës së Kosovës për vitin 2023, ku me propozimin e Ministrisë së Financave, Punës dhe Transfereve është përfshirë në Programin Legjislativ për vitin 2023 edhe Projektligji për ndryshimin dhe plotësimin e Ligjit Nr. 08/L-193 mbi Ndarjet Buxhetore për Buxhetin e Republikës së Kosovës për Vitin 2023; dhe
– Vendimin për aprovimin e Programit për Reforma në Ekonomi 2023-2025.
