Në një intervistë për “Ditarin” në Tëvë1 me Flaka Zogu, Gollopeni thotë se për ikjen e të rinjëve nga Kosova është ende herët për të dhënë ndonjë konstatim të saktë.
“Për ndikimin e krizës ekonomike në ikjen e të rinjëve nga Kosova, është ende herët për të dhënë konstatime, sepse nuk ka ndonjë analizë definitive për këtë drejtim” tha Gollopeni.
Sipas tij, numri më i madh i aplikimeve për migrim nga Kosova, më së shumti është parë gjatë muajit dhjetor dhe janar, sidomos në ambasadën e Gjermanisë.
“Në muajin dhjetor dhe janar kemi parë numër të madh të aplikimeve, e sidomos në ambasadën gjermane, ku kjo ka ardhur si pasojë e gjendjes ekonomike, shkallës së lartë të papunësisë, varfërisë, mirëpo nuk përjashtohen as opsionet tjera, siç janë korrupsioni dhe pameritokracia” shtoi tutje ai.
Gollopeni tha se është shqetësuese kur të punësuarit qoftë në institucione publike apo private po ikin nga Kosova në drejtim të migrimit ndërkombëtar.
“Arsyjet janë të shumta, por ndër arsyjet kryesore është niveli i ulët i zhvillimit ekonomik i cili ndërlidhet me pagat e ulëta, pasiguria në vendin e punës, mungesa e sigurimeve shëndetësore, ku më pas kjo u jep pasigurinë për të jetuar në Kosovë” u shpreh ai.
