Sulmuesi Mërgim Berisha do të jetë gati për lojë. Ai pritet të luaj nga minuta e parë për Augsburgun në ndeshjen ndaj Borussia Moenchengladbachut.
Ndeshja në mes të këtyre dy skuadrave do të luhet të mërkurën nga ora 20:30 dhe i takon javës së 17-të të Bundesligës gjermane. Sulmuesi kosovar nuk luajti në fundjavë kundër Dortmundit, por trajneri Enrico Maassen thotë se 24-vjeçari do të jetë gati për ndeshjen ndaj Gladbachut.
“Mërgimi është padyshim kandidat për 11-shen e parë. Do të shohim edhe njëherë se si do të jetë gjendja e tij, por me siguri se do të jetë në 11-shen startuese”, ka thënë Massen në konferencën për media, të martën.
Berisha me Augsburgun këtë sezon ka shënuar tre gola dhe ka kontribuar me katër asistime në 10 paraqitje.
