Prishtina e ka shënuar fitoren e parë në stinorin pranveror në futbollin e Kosovës.
Kampionia në fuqi e Kosovës në futboll, fitoi të mërkurën në udhëtim te Feronikeli në stadiumin “Rexhep Rexhepi” në Drenas, me rezultatin 3:0.
Oto John në minutën e 33-të, Besnik Krasniqi në minutën e 42-të dhe Sadam Sulley në minutën e 70-të ishin realizues në fitoren e kryeqytetasve.
Prishtina pas 24 ndeshjeve ka 29 pikë në vendin e gjashtë, aq sa ka edhe Malisheva në vendin e shtatë.
Feronikeli në vendin e fundit ka 11 pikë. Në fundjavë, në kuadër të xhiros së 25-të, Prishtina e pret Ulpianën kurse Feronikeli udhëton te Ballkani.
