Deputeti i Lëvizjes Vetëvendosje, Mefail Bajqinovci ka reaguar ndaj aludimeve se po përgatitej atentat ndaj kryetarit dhe disa deputetëve të LDK-së.
Bajqinovci e ka quajtur këtë një informacion të pakonfirmuar të cilin LDK-ja është munduar ta përdorë politikisht.
“Kriza e lidershipit, mungesa e vizionit, pazotësia për të fituar besimin e qytetarëve nuk bën asesi të kompensohen me scoop’a medial e filma me atentate”, ka shkruar ai në Facebook.
Ai ka ftuar LDK-në që ta informojë publikun nëse ka marrë ndonjë njoftim lidhur me hetimet për këtë kërcënim.
“Nga Policia e Kosovës, kërkoj që kjo çështje të bëhet transparente për publikun për aq sa lejon natyra e hetimit, në mënyrë që të mos krijohet hapësirë për konfuzion e manipulim politiko-publik”, ka shkruar tutje Bajqinovci.
