Ministri i Mbrojtjes, Armend Mehaj ka thënë se në këtë punëtori ka prezantuar të arriturat kryesore të dikasterit që drejton për vitin e kaluar, por edhe planet për këtë vit, shkruan teve1.info.
Mehaj tha se ky vit do të jetë shumë i rëndësishëm në aspektin e miratimit të Strategjisë së Mbrojtjes, konceptit të rezervës, zgjerimit të bashkëpunimit me shtetet partnere por dhe realizimit të projekteve të shumta kapitale.
“Viti 2023, do të jetë vit i fuqizimit të ushtrisë, investimit jo vetëm në pajisje por dhe në ngritjen e përgatitjes profesionale të ushtarakëve tanë, të cilët do t’i kontribuojnë ruajtjes së paqes dhe stabilitetit jo vetëm në vend dhe rajon por edhe më gjerë, si Forcë anëtare e NATO-s”, ka shkruar ai.
