Hasani ka thënë se mosgatishmëria e Kosovës, por edhe kërkesat e ndërkombëtarëve kanë ndikuar që kjo padi mos të bëhet.
“Ka qenë një mosgatishmëri e jona dhe më shumë një kërkesë e ndërkombëtarëve që me shku kah një pajtim. Dhe ajo ka qenë që ju duhet të pajtoheni e të harroni të kaluarën”, ka thënë Hasani në “ResPublika” të Tëvë 1.
Megjithatë, Hasani ka porositur që të mos harrohet e kaluara.
“Ne jemi për pajtime, por nuk duhet ta harrojmë të kaluarën. Ne nuk duhet t’i harrojmë krimet që i ka bërë Serbia ndaj nesh. Asnjëherë nuk është harru p.sh (Beteja e) Waterloo dhe Marrëveshjet e Versajës e Gjermania me Francën, por ata sot janë bashkë”, ka shtuar ai
“Edhe ne mund të ecim përpara por jo t’i harrojmë krimet e luftës. Nuk po flasim atë që e kemi dëgju, por ne i kemi pa ato krime të luftës me sytë tanë”, ka shtuar tutje Hasani. /Teve1.info/
