Sipas saj, Kosova është e përgatitur për finializmin e dialogut Kosovë – Serbi, teksa shtoi se kjo e fundit nuk është e gatshme për një gjë të tillë, raporton teve1.info
Tutje, ministrja Gërvalla – Schwarz tha se nuk sheh rrugë tjetër përveç dialogut, e që u shpreh e lumtur për mbështetjen e partnerëve ndërkombëtar.
“Kosova jo që vetëm është e gatshme të finalizojë këtë proces të dialogur por është edhe përgaditur për finalizimin e këtij dialogu. Por fatkeqësisht Serbia nuk është e gatshme për një gjë të tillë. Por nuk shohë rrugë tjetër përvec dialogut dhe jemi të lumtur që kemi mbështetjen e parterëve tanë”, tha Gërvalla – Schwarz.
E sa i përket Asociacionit, Gërvalla – Schwarz tha se Asociacioni i vitit 2015 nuk e ka kaluar testin në Gjykatën Kushtetuese.
Më tej ajo tha se, Kosova nuk do të kërkojë rrugica për të implemenuar një Asociacion që e shkel Kushtetutën e Republikës së Kosovës.
“Ai i vitit 2015 nuk e ka kaluar testin e Gjykatës Kushtetuese, Qeveria e Kosovës nuk do të kërkojë rrugica për të implementuar një Asociacion që shkel Kushtetutën tonë”, u shpreh ministrja.
Gërvalla – Schwarz tha se mbetët të diskutohet në temat e dialogut, se cila do të jetë rrjedhja e bisedave në Bruksel në kuadër të marrëveshjes finale se cilat do të jenë koncesionet që edhe Serbia do të jetë e gatshme të bëjë në raport me të drejtat e minoriteve në Serbi e shumë tema të tjera./teve1.info
