Numër i madh i forcave paramilitare serbe ishin nisur drejt një shtëpie në njërin nga fshatrat në Kosovë.
Aty, ushtarët e uniformuar kishin mbyllur brenda gratë e shumta, mbi të cilat ushtruan dhunë fizike e seksuale për disa orë rresht.
Britma e të qara po dëgjoheshin edhe jashtë shtëpisë, aty ku okupatori serb kishte grumbulluar gjithë burrat e fshatit, pleq e të rinj.
E 23 vjet pas përfundimit të luftës, këta zëra ende janë të freskët tek njëra nga të mbijetuarat e abuzimit seksual.
Ajo rrëfen për Tëvë1 gjithë përjetimet e asaj dite.
Viktima e njërit ndër krimet më të mëdha të luftës së fundit në Kosovë thotë që për të më e lehtë është vdekja se ajo çfarë ka përjetuar.
“U kon një traum, që nuk ke mujt kurqysh me pranu që ti nuk e ke bo me qef,po pse ajo më ka ndodh mu, ajo pse të ka hanger, nuk të ka lon mi qel syte”, thotë ajo.
Me emocione të shumta ajo vazhdon të rrëfejë se si ushtarët serbë ia morën foshnjën nga duart.
‘U kon një pjesë e rëndë se jom kanë nanë me fmi, edhe vec sa kom lind fëmijen , u kon shumë pak muaj që kom lind, ferri I vërtetë. Se me ta marrë një fëmijë me gju përtoke, mu kthy me bo qef, dikujna sikur kukull, është tmerri më I madhi njeriut qëmundesh me ia bo”, u shpreh ajo.
Nga ajo goditja fëmija e kësaj viktime të dhunës seksuale mbeti me pasoja shëndetësore.
“Si kujtim ma lanë qata, sot e kom fëmijën me të meta ,kujtim që ti nuk e harron asnjëherë në jetë”, tha ajo.
Këtë histori të trishtë ajo gjeti kurajo t’i tregonte vetëm vajzës, të cilën e lindi pas luftës.
“Vetëm fëmija e fundit e din, se e kom marr këtu edhe e ka ndi krejt historinë.
“E din, por e shkatërron diqysh një fëmijë, se mdoket e kom shkatërru ata. Nashta edhe gabim që I thu një gjeneratë që nuk e din, që e imagjinon por nuk e ka pa. Nashta edhe gabim që ja kom than se edhe fëmija të sheh si gjynah, po edhe të fëmijën e sheh me një sy tjetër. Është shumë e rëndë”, tha ajo.
Për shkak të fëmijëve e familjes, ajo po lufton për një jetë më të mirë.
Ka 6 vjet që shkon në Qendrën Kosovare për Rehabilitimin e të Mbijetuarave të Torturës, ku së fundmi ka marrë pjesë në trajnime për punësim. /teve1.info/
