Rizvanolli ka paralajmëruar përkeqësim të situatës së furnizimit me energji javëve në vijim.
“Sot vendosëm masat emergjente për furnizim me energji duke qenë që situata me furnizim me energji pritet të përkeqësohet gjatë javëve në vijim, duke marrë parasysh uljen e temperaturave në të gjithë Evropën. Po hyjmë në javë dhe në muaj kritikë të dimrit. Kjo nuk do të thotë që do kemi reduktime, jam duke thënë që çmimet e energjiisë pritet të rriten në tregjet evropiane, konsumi pritet të rritet gjithashtu”, ka thënë ajo në një konferencë për media.
Rizvanolli ka bërë thirrje për kursim të energjisë
“Pra po hyjmë në një fazë ku duhet të kemi edhe më shumë kujdes për kursim të energjisë, gjë që do të ndikojë në uljen e importit, uljen e kostos së sistemit dhe ruajtjen e buxhetit të shtetit”, ka shtuar ajo.
Rizvanolli ka thënë se janë shënuar rezultate të mira në kursimin e energjisë elektrike.
“Kemi rezultate shumë të mira për kursimin e energjisë, amvisëritë kanë ulur kërkesën deri në 14 % gjatë muajve të fundit. Ne ndamë 11 milionë e 482mijë euro për pagesën e subvencionit të faturave për të gjithë qytetarët dhe bizneset për muajin dhjetor 2022. Arsyeja pse bizneset dhe shumica e familjeve nuk janë prekur nga çmimi i energjisë është se faturat janë subvencionuar nga Qeveria”, ka shtuar ajo.
Qeveria e Kosovës të mërkurën ka marrë vendim për vazhdimin e masave emergjente për furnizim me energji elektrike.
https://teve1.info/lajmet/miratohet-propozim-vendimi-per-zgjatjen-e-masave-emergjente-ne-furnizimin-me-energji/
