Në emisionin “Info Nata” në Tëvë 1, Tahiri ka thënë se ministrat e kësaj qeverie janë të papërvojë
“Unë nuk ju kisha thanë praktikanta, por kemi të bëjmë me ministra shumë pa përvojë që në jetën e tyre kurrë s’kanë menaxhuar asgjë, e ti nuk mundesh me udhëheq një ministri kur kurrë s’ke menaxhu asgjë. Ministri është aty për me marrë vendime, vendime të informuar në baza ditore”, ka thënë Tahiri.
Tahiri ka shtuar se në Qeveritë e tyre kanë pasur ministra që ndonëse kanë ardhur nga një profil tjetër në ministri të fushës tjetër, kanë arritur rezultat.
“Ne kemi pasur shumë dikastere e shumë ministri, por është balanci i forcave politike që e prodhon Qeverinë. Nuk ka kriter të qartë që e përcakton ministrin. Ti e ke pas Armend Zemajn jurist që ka qenë ndër ministrat më të suksesshëm të shëndetësisë, në kohë pandemie”, ka shtuar Tahiri.
Ai i ka listuar edhe disa vendime të marra në Qeverinë Haradinaj për të cilat ka thënë se janë shumë të rëndësishme.
“Nëse i sheh dhe i liston vendimet, ne kemi punuar më pak se Kurti. Ne kemi qenë 16 muaj, ky 21. Na e kemi themeluar ushtrinë. Paramendoje ti në këtë krizë mos me pas ushtri. E kemi siguruar pavarësinë energjetike. Statusin e Trepçës e kishte pas diskutim në dialog, ne e kemi rregulluar. Pastaj taksa 100 % i cili ka qenë stimulimi kryesor i aspektit të prodhimit”, shtoi Tahiri.
