I ftuar në emisionin “Info Nata” në Tëvë 1, Tahiri ka thënë se për çështjen e pasaportave MPB-ja duhej ta planifikonte paraprakisht sa do t’ju duheshin qytetarëve
“Veprimi apo mosveprimi i qeverisë, mosplanifikimi i prodhimit të pasaportave është skandal në veti. Secili institucion, në këtë rast edhe MPB e di sa ka në stok, në depo letër dhe plastika për letërnjoftim dhe e din sa duhet, për shkak se sistemi i tregon sa persona u duhet t’i vazhdojnë dhe njëkohësisht të prodhojnë të rinj”, ka shtuar Tahiri.
Ai ka deklaruar se s’ka kurrfarë logjike që problemi me furnizim të jetë krijuar nga lufta në Ukrainë, arsyetim ky të cilin e kanë dhënë qeveritarët.
“Lufta ka pas efekte, p.sh vet e kam votu shtyrjen e masave emergjente në Qeveri. Po të thuhet se ka ndikim Ukraina apo çfarëdo ndikimi tjetër është shumë problematik. Sepse prodhimi i dokumentit senzitiv kërkon paraplanifikim serioz. Sidomos duke dit që jemi në kohën e liberalizimit, pasaportat biometrike, sistemi i mirëfilltë i mbrojtjes së të dhënave është jetik”, ka thënë Tahiri.
Tahiri e ka quajtur skandal kërkesën që i është bërë Gjermanisë që të lejohet udhëtimi me pasaporta me afat të skaduar.
“Nëse është e vërtetë që ministri Sveçla ka kërku që të udhëtohet me pasaporta të skaduar është skandaloz. Ne si Kosovë që nuk jemi në Schengen nuk mund të pranojmë asnjë qytetar me pasaportë me afat të skadua sepse sistemi nuk të lë” shtoi Tahiri.
