Krasniqi ka bërë të ditur se në këtë takim është folur për gjendjen aktuale politike e zhvillimet në Kosovë e Maqedoni të Veriut.
Teksa i pari i PDK-së, ka theksuar se partia e tij mbetet e përkushtuar në thellimin e bashkëpunimit mes dy vendeve.
“Në këtë takim diskutuam për gjendjen aktuale politike, zhvillimet në Kosovë dhe Maqedoni të Veriut, si dhe rolin e faktorit politik shqiptar atje.Folëm edhe për planet dhe objektivat që mëtojmë t’i përmbushim përgjatë këtij viti, si dhe për thellimin e bashkëpunimit mes dy partive dhe dy vendeve. PDK mbetet përherë e përkushtuar në kultivimin e raporteve tona të mira vëllazërore”, shkroi ai
Ndryshe siç ka raportuar RTSH, kryeministri i Shqipërisë Edi Rama sot do të presë në takim krerët e partive politike shqiptare në Maqedoninë Veriore, ku i pranishëm do të jetë edhe kryetari i Aleancës për Shqiptarë, Arben Taravari./teve1.info./
