Lajmin për Teve1.info e ka konfirmuar zëdhënësi i Policisë për rajonin e Ferizajt, Kanun Veseli.
Ai tha se në lidhje me rastin e plagosjes janë grumbulluar qytetarët serbë, mirëpo sipas tij, Policia po negocion me ta pasi edhe është arrestuar i dyshuari.
Sot një 11-vjeçar dhe një 21-vjeçar janë plagosur në fshatin Drajkovc të Shtërpcës. Dorasi ishte duke lëvizur me një automjet që po qarkullonte nga Shtërpca në drejtim të Ferizajt.
Më pas, Policia ka arrestuar edhe të dyshuarin për plagosjen e dy personave dhe i njëjti është shoqëruar në Policinë Rajonale të Ferizajt. Sipas PK-së, i dyshuari është i moshës 33-vjeçare. /Teve1.info/
