Këtë e ka konfirmuar për teve1.info, zëdhënësja e Prokurorisë, Laureta Ulaj.
“Prokurori i Shtetit ka autorizuar Policinë t’i ndërmarrin veprimet e nevojshme, me qëllim të sqarimit të kësaj çështjeje dhe eventualisht në rast të paraqitjes së elementeve të ndonjë vepre penale, do të veprohet tutje me këtë rast”, tha ajo.
Një pacient ka vdekur në QKUK disa orë pas operacionit në Klinikën e Kardiokirurgjisë.
Ky operacion fillimisht ishte cilësuar si i suksesshëm nga mjeku Kushtrim Shala, por pak orë pas operacionit pacienti ka vdekur.
Lajmin për teve1.info e ka konfirmuar dje edhe drejtori i Kardiokirurgjisë, Rifat Brahimaj, i cili ka bërë të ditur se mjeku që e kreu ndërhyrjen ishte jokompetent për atë operacion.
Brahimaj ka theksuar se do të ndërmerren masa ndaj mjekëve të cilët e kishin kryer këtë operacion. /Teve1.info/
https://teve1.info/lajmet/vdes-pacienti-pas-operacionit-drejtori-brahimaj-e-cileson-jokompetent-mjekun-qe-kreu-intervenimin/
