Marsi është përmendur si muaji që mund të ketë marrëveshje, bazuar në planin franko-gjerman.
Për Gazmir Racin, thotë se tashmë presioni ndërkombëtar do të rritet, si ndaj Kosovës, po ashtu edhe ndaj Serbisë.
Njësoj mendon edhe Visar Ymeri.
Madje ky thekson se kësaj radhe zgjidhja nuk do mbahet pezull mes palëve.
Por, zëvendësministri i Punëve të Jashtme, Kreshnik Ahmeti, po shpreson që Beogradi të jetë më konstruktiv në vazhdim të dialogut.
Ai ka një kërkesë edhe për palën ndërkombëtare.
Takimet mes kryeministrit Kurti dhe presidentit të Serbisë në Bruksel, u pezulluan, pas situatës së krijuar në katër komunat veriore.
Barrikadimi që u krijua nga grupe të caktuara atje, bënë që veriu të jetë i bllokuar për 20 ditë.
Heqja e tyre u bë pas lirimit të ish-policit, Dejan Pantiq, i cili u dërgua në arrest shtëpiak.
Kronika e gazetarit Arton Rama.
