Është fjala për librin “Terrori i Serbisë pushtuese mbi shqiptarët” të veprimtarit Nusret Pllana.
Ky i fundit për Tëvë1, ka thënë se libri deri më tani ka pasur më shumë se 200 promovime në gjithë botën.
“Ky libër e përfshinë një periudhë të gjatë….në vazhdimësi është promovuar në të gjitha më të njohura evropiane e botërore. Pa modesti e them që është libri më i promovuar në botë në 100 vjetshin e fundit”, tha Pllana.
Por, çfarë përmban libri i Pllanës që e tronditi botën?
“I la rreth 1 mijë fotografi dhe çdo fotografi flet më shumë se 10 mijë fjalë. Që është e shkruar dhe vulosur me gjakun e njerëzve tanë të cilët u vranë pamërshishëm vetëm e vetëm se ishin shqiptarë”, tha ai.
Ish-gazetari i luftës dhe ushtari i UÇK-së, Nusret Pllana në librin e tij, paraqiti me emër dhe mbiemër edhe çdo fëmijë të vrarë në luftën e fundit në Kosovë.
“Krejt janë këtu kur janë vra këta fëmijë, 1432 për të cilët për fat të keq asnjë qeveri e Republikës së Kosovës deri më sot nuk pat forcë as guxim të ua ngrit as një përmendore as një obelisk”, shtoi Pllana.
Gjithë kjo punë e Pllanës, ra në sytë edhe të vet presidentit serb, Aleksandar Vuçiq.
Për këtë, u përkujdes vet autori i librit.
“Aleksandër Vucic e ka dëshmuar që e ka marrë këtë libër, se ja kam dërguar “dhuratë” dhe e kam dëshminë që libri i ka shkuar. Ai hic me pak se tri herë e ka përmend librin faktin që shqiptarët po merren me librin e Pllanës e jo me pajtimin e shqiptarëve dhe serbëve”, deklaroi Pllana.
Dëshmitë rrëqethëse për krimet serbe në Kosovë, arrin të futën edhe në Parlamentin Evropian.
“Ky libër ka pas të hyjë në selinë e Parlamentit Evropian në Bruksel në vitin 2018 dhe iu ka dhënë të gjithë deputeteve të PE-së, sa janë 751 deputetëve dhuratë”, tha Pllana.
Por, pavarësisht që hyri në Parlamentin Evropian, këtë gjë, nuk arriti ta bënte në Kosovës.
Pllana thotë se ky libër u pengua dy herë t’u bëhej dhuratë deputetëve kosovarë.
Një sasi e madhe e këtij libri, ishte konfiskuar nga serbët në kufirin Serbi – Hungari.
Kronika e gazetarit Fidan Zejnullahu.
