Përveç të vrarëve, 13 persona u plagosën dhe të paktën 24 të burgosur u arratisën.
Sulmi ndodhi pasi automjete të blinduara sulmuan një burg shtetëror në Ciudad Juarez përtej kufirit nga El Paso të Teksasit.
Zyra e prokurorit të shtetit gjatë një deklarate bëri me dije se sot rreth orës 7 të mëngjesit, automjete të ndryshme të blinduara me persona të armatosur në burg hapën zjarr ndaj rojeve.
Kreu i vendit shprehu detaje rreth ngjarjes dhe numrin e viktimave si pasojë e ngjarjes.
“Ka pasur disa konfrontime në qytet pikërisht nga kjo arratisje, kanë vdekur disa kriminelë tre kriminelë, pesë janë arrestuar, por informacione të detajuara do ju tregojmë në vijim”, tha Cruz Perez Cuellar- president komunal i Ciudad Juarez, raporton AP.
Ushtarët meksikanë dhe policia e shtetit rifituan kontrollin e situatës në burg pas ngjarjes.
Dhjetëra të afërm të të burgosurve nga burgu shtetëror Ciudad Juárez shkuan në vendin e ngjarjes për të kërkuar informacion.
Maribel,po priste me ankth një informacion rreth nipërve e mbesave të saj në burg.
“Shumë familjarë qëndruan këtu për të kaluar natën e ndërrimit të moteve. Aty ka shumë të vdekur. Ata qëlluan atje dhe vranë shumë roje. Por unë dua të di se çfarë mund të më thonë për nipërit e mbesat e mia”, tha ajo.
Dhuna është e shpeshtë në burgjet meksikane, përfshirë në disa ku autoritetet mbajnë vetëm kontrollin nominal./Tëvë1/
