Mëngjesi i së shtunës në Tëvë1 do të nisë me programin për fëmijë. Pastaj nga ora 09:15, emisioni “Herët Festiv”, do t’ju shoqërojë deri në orën 13:00, ku gjatë kësaj kohe do të ketë mysafirë të ndryshëm si dhe performancë nga BENDI.
Më pas vjen emisioni i “Vet i 40-ti” për t’u kthyer sërish me performancën e Bendit të Tëvë1
Me edicion Special do të jetë edhe emisioni “410” me 3 orë transmetim, i cili do të jetë i ndarë në dy pjesë me të ftuar këngëtarë e aktorë të ndryshëm.
Vëmendje i është kushtuar edhe departamentit të informacionit, ku do të ketë përmbledhje të lajmeve gjatë këtij viti dhe storje tjera interesante.
Pastaj do të kalohet me emision maratonik, i cili zgjatë mbi pesë orë transmetim, ku do të performojë live këngëtarja e njohur Aurela Gaçe.
Po ashtu, Tëvë1 është përkujdesur për shikuesit e vet duke përgatitur program festiv edhe për datat 1 dhe 2 janar me përmbajtje si “Kollazh Muzikor”, “Reportazh”, emision sportiv, seriali “Kryetari i mirë me shokë shumë”, si dhe emisioni maratonik me Afrim Muçiqin. Gjithashtu me edicionin special të serialit “FC LATTA” më pas emisionet “1 natë”, “Darka ma e mira” e shumë të tjera.
Vlen të theksohet se në Tëvë1 gjatë kësaj kohe nuk do të ketë repriza dhe e gjitha është prodhim i brendshëm i televizionit. Kështu, një gjë është e sigurt, gjatë këtyre tri ditëve do të argëtoheni me skemën e larmishme programore të Tëvë1.
